Sletting av foreining

Du kan slette ei foreining dersom

• fleirtalet av medlemmene vedtar oppløysing eller sletting
• ho blir oppløyst som eit resultat av stadig mindre aktivitet over lengre tid
• alle medlemmene er utmelde, unntatt ein
• det skjer vesentlege endringar av foreininga sine vedtekter, slik at ho oppfattast som ei ny verksemd
• ho blir delt i fleire mindre einingar eller slått saman med andre verksemder

Du sletter foreininga ved å sende inn Samordna registermelding.

Du må legge ved:

• Dokumentasjon som viser at foreininga har slutta å eksistere, eller er vedtatt oppløyst. Dette er ofte eit referat frå ekstraordinært årsmøte, der medlemmene har vedtatt å legge ned drifta av foreininga.

Dersom foreininga er registrert i Føretaksregisteret, må du legge ved

• protokoll frå årsmøtet som viser vedtak om sletting

Når du skal sende inn protokollen, lastar du han opp som vedlegg til skjemaet Samordna registermelding i Altinn.