Slik registrerer du endringar på ein stiftelse

Du registrerer nytt namn ved å sende inn Samordna registermelding.

Det er kompetent organ, ofte styremøtet, som vedtar nytt namn. Dette inneber ei endring av stiftelsen sine vedtekter.

Namnet må innehalde ordet «stiftelse» eller foretaksnemninga STI. Dersom stiftelsen er næringsdrivande må dette stå sist i namnet.

Vedleggskrav

Du må legge ved

• protokoll frå kompetent organ som viser vedtak om endring av namn
• oppdaterte vedtekter

Du registrerer ny adresse ved å sende inn Samordna registermelding.

Ny forretningsadresse

Næringsdrivande stiftelsar:

• Forretningsadressa skal vere ei norsk gate- eller vegadresse eller eit stadnamn.

Alminnelege stiftelsar:

• Det er ikkje eit krav at ein alminneleg stiftelse skal ha ei forretningsadresse. Det er nok å oppgi ei postadresse.

Ny postadresse

Har stiftelsen registrert ei forretningsadresse, er det frivillig om du vil melde ei eiga postadresse. Om du ønsker posten sendt til ei anna adresse enn den registrerte forretningsadressa, kan du melde dette som postadresse.

Når det er valt nytt styre i stiftelsen, skal du melde dette i Samordna registermelding.

Vedleggskrav

Du må legge ved

• dokumentasjon som viser val/utnemning av nytt styre

Dokumentasjonen vil kunne variere avhengig av kven som har myndigheit til å velje styre. Her er nokre eksempel på slik dokumentasjon:

• styremøteprotokoll
• utskrift av kommunal møteprotokoll som viser oppnemning som følgje av verv
• stadfesting på verv/rolle/stilling i dei tilfella styrevervet er på bakgrunn av dette
• årsmøteprotokoll
• generalforsamlingsprotokoll

Når stiftelsen tilsett dagleg leiar, skal du melde dette i Samordna registermelding.

Dagleg leiar i ein næringsdrivande stiftelse

Stiftelsen har plikt til å ha dagleg leiar når stiftelsen har ein grunnkapital på tre millionar kroner eller meir. I slike tilfelle kan ikkje dagleg leiar vere den same som styrets leiar.

Vedleggskrav

Det er vanlegvis ikkje krav til vedlegg. Unntaket er om du som dagleg leiar sjølv sender inn melding, og du ikkje har roller i styret. Da må du legge ved

• protokoll frå styremøtet som viser tilsettinga

Dagleg leiar i ein alminneleg stiftelse

Styret kan tilsette dagleg leiar, og det er ikkje noko krav til vedlegg.

Alle rolleinnehavarar kan melde eigen fråtreding. Når du fråtrer gir du avkall på alle rettar og plikter rolla di har. Du kan gjere dette i Samordna registermelding. Når fråtredinga er registrert vil både stiftelsen og du som fråtrer bli varsla om dette.

Om stiftelsen vel ny revisor, skal du melde dette i Samordna registermelding. Det er kompetent organ, ofte styremøtet, som vel ny revisor.

Vedlegg næringsdrivande stiftelse

• dokumentasjon som viser val av ny revisor

Vedlegg alminneleg stiftelse

Ingen

Når stiftelsen endrar signatur, skal du melde dette i Samordna registermelding i Altinn.

Du må legge ved

• protokoll frå styremøtet som viser tildeling av signatur, dersom heile styre ikkje har signert i skjemaet.

Det må gå tydeleg fram at signatur er tildelt og om den er gitt i fellesskap eller kvar for seg.

Vedtektsendring kan meldast i skjemaet Samordna registermelding.

Du kan lese meir om korleis du melder vedtektsendring i stiftelsar på nettsidene til Lotteri- og stiftelsestilsynet.

Les om korleis du melder samanslåing av stiftelsar på Lotteri- og stiftelsestilsynet sine nettsider.

Les meir om korleis du melder deling av stiftelsar på Lotteri- og stiftelsestilsynet sine nettsider.

Oppheving kan meldast i skjemaet Samordna registermelding.

Les om korleis du melder oppheving av stiftelsar på Lotteri- og stiftelsestilsynet sine nettsider.