Endre opplysningar for eit eigarseksjonssameige

Du registrerer nytt namn på eigarseksjonssameiget ved å sende inn Samordna registermelding i Altinn.

Det nye namnet blir bestemt av årsmøte.

Du må legge ved

• protokoll frå årsmøte som viser vedtaket om endring av namn

Ved registrering i Føretaksregisteret må du også

• legge ved nye vedtekter der det nye namnet er tatt inn

Du registrerer nytt styre ved å sende inn Samordna registermelding i Altinn.

Styret må veljast av årsmøtet.

Du må legge ved

• protokoll frå årsmøtet som viser vedtaket

Ved registrering i Føretaksregisteret må

• styremedlemmane stadfeste at dei tek på seg vervet

Når eigarseksjonssameiget endrar signatur, skal du melde dette i Samordna registermelding i Altinn.

Du må legge ved

• protokoll frå årsmøtet som viser tildeling av signatur

og

• oppdaterte vedtekter som inneheld signaturregelen

Du endrar revisor ved å sende inn Samordna registermelding i Altinn.

Revisor må veljast av årsmøtet og stadfeste i skjemaet at han tar på seg vervet.

Du må legge ved

• protokoll frå årsmøtet som viser vedtaket

Du endrar rekneskapsførar ved å sende inn Samordna registermelding i Altinn.

Rekneskapsførar må stadfeste i skjemaet at han tar på seg oppdraget.

Alle rolleinnehavarar kan melde eigenfråtreding. Når du fråtrer, gir du avkall på alle rettigheiter og plikter som rolla di har. Du gjer dette i Samordna registermelding i Altinn. Når fråtredinga er registrert, vil både eigarseksjonsameiget og du som fråtrer bli varsla om dette.