Trekantfusjon

Når fusjon blir meld elektronisk i Samordna registermelding i Altinn, er det eit felles skjema for selskapa. Dersom du bruker det gamle papirskjemaet, må du sende inn melding om avgjerd av fusjon for kvart av selskapa som deltar i fusjonen. Det skal ikkje sendast skjema frå selskapet som har utferda vederlaget.

Frå selskapa som tek del i fusjonen har avgjort å godkjenne fusjonsplanen, har du ein månads frist til å melde avgjerda om fusjon til Føretaksregisteret. Fristen på ein månad gjeld frå det siste selskapet har godkjent fusjonsplanen.

Blir ikkje meldinga send til Føretaksregisteret innan fristen, fell vedtaket bort.

Følgande dokument må leggast ved meldinga

Overdragande selskap skal legge ved

• protokoll frå generalforsamlinga som viser godkjenning av fusjonsplanen

Overtakande selskap skal legge ved

• protokoll frå generalforsamlinga som viser godkjenning av fusjonsplanen

Etter at du har meldt avgjerd om fusjon og kreditorfristen på seks veker har gått ut, kan du melde gjennomføring av fusjon. Det er ingen frist for når du må melde gjennomføring til Føretaksregisteret. Både overtakande selskap og selskapet som skal dele ut fusjonsvederlaget må sende inn skjema.

Følgande dokument må leggast ved meldingane

Det overtakande selskap skal legge ved

• erklæring frå styret om at eigarforholda i konsernet etter gjennomføringa av fusjonen oppfyller kravet om 90 % eigarforhold

Selskapet som deler ut vederlag skal legge ved

• protokoll frå generalforsamlinga som viser vedtak om kapitalauke
• vedtekter
• utgreiing om tingsinnskot, med stadfesting av revisor