Fråval av revisjon

Du må sende inn årsrekneskapen sjølv om han ikkje skal reviderast.

Selskapet ditt kan velje bort revisjon dersom

• driftsinntektene er lågare enn 7 millioner kroner
• balansesummen er lågare enn 27 millioner kroner
• gjennomsnittleg antal tilsette ikkje overstig 10 årsverk.

Du kan ikkje velje bort revisjon dersom selskapet

• driv med apotek- eller advokatverksemd
• er godkjend som medhjelpar etter pengespelforskrifta
• er morselskap i konsern og heile konsernet har
  • driftsinntekt på 7 millionar kroner eller meir
  • balansesum på 27 millionar kroner eller meir, eller
  • fleire enn 10 årsverk
• er under tilsyn av Finanstilsynet
• er pålagt revisjon av liknings- eller avgiftsmyndigheitene

Om selskapet skal ha revisor, må revisor bli vald på stiftelsesmøte eller av generalforsamling.

Kva gjer eg om selskapet ikkje skal ha revisor?

Skal du melde fråval for eit selskap som allereie har registrert revisor, må du legge ved generalforsamlingsprotokoll frå inneverande år som viser at selskapet har vedtatt fråval av revisjon. Om Rekneskapsregisteret ikkje har fått årsrekneskap for i fjor endå, må du også legge ved protokoll frå ordinær generalforsamling som viser at årsrekneskapen er fastsett. Fråval av revisjon melder du i Samordna registermelding.

Frist for å melde fråval av revisjon

Med fleirtal, som for vedtektsendring, kan generalforsamlinga vedta at årsrekneskapane for selskapet ikkje skal reviderast for inneverande rekneskapsår eller seinare. Etterpå må du straks sende inn melding til Føretaksregisteret. Meldinga må vere mottatt hos oss få dagar etter generalforsamlinga sitt vedtak. Fråval av revisjon som var bestemt før årsskiftet må seinast vere mottatt hos oss innan utgangen av januar året etter. Fråvalet gjeld ikkje før det er registrert.